Strikkehelg 2025

Velkomen til ei inspirerande strikkehelg i vakre Geiranger! ✨ Her blir det ei perfekt blanding av kreativitet, hygge og sosialt samvær, omgjeve av spektakulær natur.

Vi er stolte over å ha med oss Rasmus Valentino Mandal Larsen (@mandestrik) og Runa Sommerfelt (@runastrikk) på årets Strikkehelg! Begge er lidenskapelege strikkarar med ein unik stil og eit stort engasjement for handarbeid.

🧵 Rasmus Valentino Mandal Larsen – @mandestrik

Rasmus er kjend for si kreative tilnærming til strikking og for å utfordre tradisjonelle oppfatningar om kven som strikkar. Med si leikenheit og sans for design inspirerer han følgjarane sine til å utforske nye teknikkar og uttrykk. Han deler lidenskapen sin på sosiale medier som @mandestrik, og under Strikkehelga vil han halde både workshop og foredrag om strikking for alle, kreativt design og gleda ved å skape med eigne hender.

🧵 Runa Sommerfelt – @runastrikk

Runa er ein dyktig strikkedesignar og innhaldsprodusent som inspirerer med sine vakre plagg og unike design. Gjennom @runastrikk deler ho mønster, tips og teknikkar som gjer det lettare for både nybyrjarar og erfarne strikkarar å finne glede i strikkinga. Under Strikkehelga vil ho halde workshop i mønsterstrikk og kreative teknikkar, i tillegg til å dele av si erfaring og lidenskap i eit inspirerande foredrag.

Med desse to fantastiske strikkarane på plass, lovar vi ei helg fylt med kreativitet, læring og hygge!

Her finn du foreløpig program for Strikkehelga.
Med atterhald om at det kan komme endringar i programmet. 

2 døgnspakke frå kr. 3740,- per person i standard dobbeltrom inkl. frukost og middag.
3 døgnspakke frå kr. 4990,- per person i standar dobbeltrom inkl. frukost og middag.